Mannaram Piti Welle

මන්නාරම් පිටි වැල්ලේ මදටිය වැල් ඔන්චිල්ලේ

කොණ්ඩෙ කඩන් හඳට අඬන් සිංදු කියන්නේ

කුණ්ඩුමණී

නැහැයෙ කරාබුව දෙකණේ කඩුක්කං දමා සියොළඟ

මොට්ටැක්කිළියෙන් හැඩකොට වසා ඉඟ නමා

උළුඳු කොටා තල වේලා තල් පත් මත ගිණි අව්වේ ලා

කුණ්ඩුමණී

සෙම්බු තාලි උකුලෙ හොවා ආඬි ළිඳෙන් දිය ඇදලා

ලූණු පාත්තියට දමා විඩාපත් වෙලා

හැන්දෑවට කෝවිල් ගොස් පොල් ගහලා නළලේ අළු ගා

කුණ්ඩුමණී

ගොම ඉහළා හැදූ ගෙබිම පිච්ච මලින් සරසාලා

කෙසෙල් ගස් දෙකක් දොරකඩ සිටුවා තබලා

කුම්බු ඝටම් මෘදංග නද මුළු ගමටම හඬවා දීලා

කුණ්ඩුමණී

සණ්ඩු කරල බැණුම් අහල හැංගි හැංගි බැන්ද ප්‍රේමෙ

මහරාජා ආ කල ගෙට තිරික්කලෙන් බැසලා

කුණ්ඩුමණී යන පෙරහර බලා හිඳිමි කීකරු වීලා

කුණ්ඩුමණී