Aathin Asena Ganta

ඈතින් ඇසෙන ගන්ඨා නාදයක් ලෙස

රෑකින් මිදෙන අවපස සඳවතක් ලෙස

දෝතින් එදා පුද දුන් හද මඩල යස

තාමත් මගේ ළඟමයි සිහිනයක් ලෙස

ඔබ වෙන්වුනේ ඔබ වට බැඳි පවුරින්ය

මා තනිකළේ කළ හැකිවක් නැති උන්ය

කිසිවෙකු නමින් නොපිදූ සිත එලෙසින්ය

ඔබ දැන් මට පෙනෙන්නේ පෙර මතකෙන්ය

ආලය අයිති වීමෙන් පසු නිම වේද

මා හට අයිති නැති ඔබ අද ඇයගේය

සෝබර හිතට මේ කිසිවක් නොහැඟේය

ඈතින් හිඳිමි මා පණ නල ඔබගේය

ගේය පද - බන්ධුල නානායක්කාරවසම්